सिंहदरबारमा रहेको संसदीय दलको कार्यालयमा जसपाका सांसदहरुको बैठक
समाजवादी पार्टी (जसपा) का सांसदहरुको बैठक सिंहदरबारमा सुरु भएको छ । अध्यक्ष महन्थ ठाकुर पक्षका सांसदहरुको बैठक भरर्खरै सुरु भएको हो ।
जसपा नेता बिमल श्रीवास्तवले अध्यक्ष ठाकुरले समसामयिक राजनीतिबारे छलफल गर्न बैठक बोलाएको बताएका छन् ।
राष्ट्रपति विद्यादेवी भण्डारीले दलहरुलाई शुक्रबार साँझ ५ बजेभित्र सरकारको विकल्प दिन आह्वान गरेपछि दलहरुको दौडधुप जारी छ ।
प्रमुख प्रतिपक्षी दल नेपाली कांग्रेसका सभापति शेरबहादुर देउवाको निवास बुढानीलकण्ठमा विपक्षी गठबन्धनका नेताहरु भेला भएका छन् ।
राजेन्द्र महतो संसदीय दलको नेता बनेपछि जसपाका सांसदहरुको बैठक बोलाइएको यो पहिलो पटक हो ।
तत्कालीन सपा पार्टीका अर्थात उपेन्द्र यादव र डा. बाबुराम भट्टराई पक्षका केहि सांसदहरुले भने बैठकबारे आफूहरुलाई जानकारी नभएको बताएका छन् ।
