क्यानडाले दियो बालबालिकालाई फाइजर खोप लगाउन अनुमति
क्यानडाले १२ देखि १५ वर्ष उमेर समूहका बालबालिकालाई कोरोना भाइरसविरुद्ध फाइजर खोप लगाउन अनुमति दिएको छ ।
स्वास्थ्य मन्त्रालयले सो उमेर समूहका बालबालिकाको तीन चरणमा गरेको क्लिनिकल परीक्षणपछि सो अनुमति दिएको जनाएको छ ।
यो उमेर समूहका बालबालिकालाई कोरोनाविरुद्ध खोपको अनुमति दिने क्यानडा पहिलो मुलुक हो ।स्वास्थ्य विभागले यो उमेर समूहका बालबालिकामा प्रयोग गरिएमा खोप सुरक्षित र प्रभावकारी हुने दावी गरेको बीबीसीले जनाएको छ ।
यता खोप उत्पादक कम्पनी फाइजरले पनि सो उमेर समूहका बालबालिकाका लागि खोप प्रभावकारी भएको दावी गरेको छ ।
क्यानडाले आगामी सोमबार १२ लाख भन्दा बढी बालबालिकालाई सो खोप दिने समाचारमा जनाइएको छ ।क्यानडामा एक करोड २० लाख भन्दा बढी कोरोना संक्रमित रहेका छन् ।
तीमध्ये करिब २० प्रतिशत १९ वर्ष मूनिका रहेको त्यहाँको सरकारले जनाएको छ ।यसअघि खोपको व्यवस्थापनमा ढिलाइ हुँदा करिब ३४ प्रतिशत नागरिकले मात्र खोप लगाएका छन् ।
यता अमेरिकी राष्ट्रपति जो बाइडेनले यसै हप्तादेखि १२ देखि १५ वर्ष उमेर समूहका बालबालिकालाई खोप लगाउने तयारी रहेको बताएका छन् ।
