भारतमा कोरोना संक्रमण झन बढ्दो, एकैदिन थपिए २ लाख ७४ हजार संक्रमित
पछिल्लो केही सयम यता भारतमा कोरोना संक्रमण एकदमै तीव्र गतिमा फैलिरहेको छ । पछिल्लो समयमा हरेक दिन भारतमा कोरोना संक्रमणको रेकर्ड उकालो लागि रहेको छ ।
भारतमा कोरोना उच्च जोखिम रहेका ठाउँमा लकडाउन तथा भिडभाड नियन्त्रणका लागि कफ्र्युसमेत लगाए पनि कोरोना संक्रमण र मृत्यु बढ्ने क्रम रोकिएको छैन ।
पछिल्लो २४ घण्टामा भारतमा २ लाख ७३ हजार ८१० जनामा कोरोना संक्रमण भएको तथ्यांक छ । विश्व स्वास्थ्य संगठनको तथ्यांक अनुसार सोही अवधीमा १ हजार ६१९ कोरोना संक्रमितको मृत्यु भएको छ ।
भारतमा हालसम्म कोरोनाबाट मृत्यु हुनेको कुल संख्या १ लाख ७८ हजार ७६९ पुगेको छ । कोरोना संक्रमितको संख्या १ करोड ५० लाख ६१ हजार ९१९ पुगेको तथ्यांक छ ।
