जसपाले थाल्यो नयाँ सरकार गठनका विषयमा छलफल
जनाता समाजवादी पार्टी (जसपा)ले नयाँ सरकार गठनका विषयमा छलफल सुरु गरेको छ । कांग्रेसले आफ्नो नेतृत्वमा सरकार गठन गर्न राखेको प्रस्तावमाथि जसपाले आज छलफल गर्न शुरु गरेको हो ।
आइतबार जसपाका संघीय परिषद अध्यक्ष डा। बाबुराम भट्टराई, अध्यक्षद्वय महन्थ ठाकुर र उपेन्द्र यादव, वरिष्ठ नेताहरु राजेन्द्र महतो, अशोक र राई र राजेन्द्र श्रेष्ठबीच नयाँ सरकार गठनका विषयमा छलफल गरेको हो ।
गएको शुक्रबार नेपाली कांग्रेसका सभापति शेरबहादुर देउवाले आफ्नै निवासमा नेकपा माओवादी केन्द्र र जसपा नेताहरुको बैठक राखेर आफ्नो नेतृत्वमा सरकार निर्माणका लागि प्रस्ताव राखेका थिए ।
त्यतिबेला स्पष्ट जवाफ नदिएका जसपा नेताहरु नयाँ सरकार गठनकै विषयमा छलफलमा जुटेको स्रोतले बताएको छ ।
