आज तोलामा ९ सयले बढ्यो सुनको मूल्य
नेपाली बजारमा सुनको मूल्य ९ सयले बढेको छ ।
बिहीबार प्रतितोला ८६ हजार ५ सय रुपैयाँमा कारोबार भएको सुन आज ९ सय रुपैयाँले बढेको नेपाल सुनचाँदी व्यवसायी महासंघले जनाएको छ ।
शुक्रबार छापावाल सुन प्रतितोला ८७ हजार ४ सय रुपैयाँमा कारोबार भएको महासंघले जनाएको छ । यस्तै आज तेजाबी सुन प्रतितोला ८६ हजार ९ सय ५० रुपैयाँमा कारोबार भइरहेको महासंघले जनाएको छ ।
चाँदीको मूल्य ३० रुपैयाँले बढेको छ । आज चाँदी प्रतितोला १२ सय ४० रुपैयाँमा कारोबार भइरहेको छ ।
