महोत्तरीमा घाँस काट्न गएका ७ बालिका र किशोरी वेपत्ता
प्रदेश नं २ स्थित महोत्तरीको भंगहा नगरपालिकामा घाँस काट्न गएका ७ जना बालिका र किशोरी बेपत्ता भएको छन् । भंगहा नगरपालिका वडा नम्बर ८ धर्मपुरका घाँस काट्न गएका ७ जना बालिका र किशोरीहरु वेपत्ता भएका हुन् ।
१८ वर्षीया अस्मिता पासवान, सोही उमेरकी नगिना पासवान, १५ वर्षीया रिया पासवान, सोही उमेरकी अर्चना पासवान, १३ वर्षीया ज्योती पासवान, १० वर्षीया रञ्जना पासवान र सीमा पासवान वेपत्ता भएको प्रहरीले जनाएको छ ।
बेपत्ता भएका ७ जना किशोरी र बालिकाको खोजी गरी रहेको तर अहिलेसम्म कुनै सूचना प्राप्त नभएको महोत्तरी प्रहरीले जनाएको छ ।
यी सातै जना मंगलबार दिउँसो घाँस काट्न गएको र अहिलेसम्म घर नफर्केको उनीहरुको अभिभावकलाई उदृत गर्दै प्रहरीले जनाएको छ ।
एकै पटक ७ जना वेपत्ता भएपछि गाउँमा त्रास उत्पन्न भएको छ ।
