आज सुनको मूल्य तोलामा ५ सयले घट्यो
नेपाली बजारमा आज सुनको मूल्य तोलामा ५ सयले घटेको छ ।
सोमबार तोलामा ८६ हजार ५०० रुपैयाँमा कारोबार भएको छापावाल सुनको मूल्य मंगलबार घटेर तोलामा ८६ हजार रुपैयाँमा कारोबार भएको नेपाल सुनचाँदी व्यवसायी महासंघ जनाएको छ ।
यस्तै तेजाबी सुन तोलामा ८५ हजार ५५० रुपैयाँमा कारोबार भएको छ । आज मंगलबार चाँदीको मूल्य पनि १० रुपैयाँ घटेको छ ।
मंगलबार चाँदी तोलामा १२१५ रुपैयाँमा कारोबार भएको महासंघले जनाएको छ ।
