ब्राजिलमा एकैदिन झण्डै एक लाख कोरोना संक्रमित थपिए,२६ सयभन्दा धेरैको मृत्यु
ब्राजिलमा एकैदिन झण्डै एक लाख जना नयाँ कोरोना संक्रमित थपिएका छन् ।
गएको २४ घण्टामा ९७ हजार ५ सय ८६ जनामा कोरोना भाइरसको संक्रमण पुष्टि भएको पाइएको छ । यसअघि बिहीवार ९० हजार ५ सय ६४ जनालाई कोरोना भाइरसको सङ्क्रमण भएको थियो ।
यस्तै, ब्राजिलमा गएको २४ घण्टामा २ हजार ६ सय ३९ जना कोरोना संक्रमितको मृत्यु भएको छ । अहिलेसम्म ब्राजिलमा एक करोड ३२ लाखभन्दा धेरैलाई कोरोना सङ्क्रमण भएको छ भने तीन लाखभन्दा धेरैको मृत्यु भएको छ ।
ब्राजिल विश्वमा कोरोनाबाट सबैभन्दा प्रभावित देशको सूचीको दोस्रो स्थानमा छ । अमेरिकापछि कोरोना सङ्क्रमणको दर ब्राजिलमा सबैभन्दा धेरै छ ।
