माओवादी केन्द्रको केन्द्रीय कमिटी सदस्य संख्या ४ हजारबाट २ सयमा कायम
नेकपा माओवादी केन्द्रको केन्द्रीय समिति सदस्यको संख्या ४ हजारबाट झारेर २ सय पुर्याइएको छ ।
आज पार्टी केन्द्रीय कार्यालय पेरिसडाँडामा बसेको बैठकमा अध्यक्ष पुष्पकमल दाहाल ‘प्रचण्ड’ले केन्द्रीय सदस्य संख्या २ सयबाट नबढ्ने प्रष्ट पारेका थिए ।
एमालेसँग एकीकरण गर्नुभन्दा अघि माओवादीको केन्द्रीय सदस्य संख्या ४ हजारको हाराहारीमा थियो ।
एकीकरणपछि बनेको नेकपाको केन्द्रीय कमिटीमा माओवादीका तर्फबाट २ सयको संख्यामा मनोनित गरिएको थियो ।
आजको बैठकमा ७ प्रदेश र तीन विशेष प्रदेश कमिटीका पदाधिकारीहरूले रिपोर्ट प्रस्तुत गरेका थिए । रिपोर्ट प्रस्तुतीका क्रममा एकाध ठाउँमा बाहेक माओवादी केन्द्रको सांगठानिक क्षति नभएको निष्कर्ष निकालिएको चौलागाईंले बताए ।
