सिराहाको लहान मालपोत कार्यालयमा बम विस्फोट, ५ जना घाइते
प्रदेश नं २ स्थित सिराहाको मालपोत कार्यालयमा बम विस्फोट हुदा ५ जना घाइते भएका छन् ।
उक्त विस्फोटमा परी घाइते भएका ५ जनामध्ये एक जनाको अवस्था गम्भीर रहेको जिल्ला प्रहरी कार्यालय सिराहाले जनाएको छ ।
लहान नगरपालिकामास्थित मालपोत कार्यालयमा प्रेसरकुकर बम विस्फोट भएको प्रहरीले जनाएको छ । विस्फोट गराउनेको पहिचान खुलेको छैन । घटनाको बारेमा प्रहरीले अनुसन्धान गरिरहेको छ ।
बिस्फोटस्थल नजिकै जयकृष्ण गोइत नेतृत्वको जनतान्त्रिक तराई मुक्ति मोर्चाको पर्चा भेटिएको प्रहरीले बताएको छ । गोइतले लामो समयदेखि मधेसमा हिंसात्मक गतिविधि गर्दै आएका छन्। पछिल्लो समय उनको समूहका गतिविधि शुन्यप्राय भएका थिए
