बारामा टाउको नभएको अवस्थामा भेटियो शव
प्रदेश नं २ स्थित बाराको जितपुरसिमरामा टाउको नभएको अवस्थामा एउटा शव फेला परेको छ ।
आज बाराको जितपुरसिमरा-१० मा टाउको नभएको अवस्थामा एउटा शव फेला परेको हो । आज शुक्रबार भेटिएको शव कसको हो भन्ने विषयमा अनुसन्धान भइरहेको जिल्ला प्रहरी कार्यालय, बाराले बताएको छ ।
प्रहरीका अनुसार स्थानीय एक व्यक्ति १५ दिनदेखि बेपत्ता थिए । उनको शव हुनसक्ने आशंका गरिए पनि पुष्टि भइसकेको छैन । २ नं. प्रदेश प्रहरी कार्यालयबाट तालिम प्राप्त कुकुर घटनास्थलमा ल्याएर अनुसन्धान गर्ने तयारी छ ।
