दैलेखमा मिनीबस दुर्घटना हुदाँ दुई जनाको मृत्यु, १९ घाइते
कर्णाली प्रदेश अन्तरगत रहेको दैलेखमा बस दुर्घटना हुदाँ दुई जनाको मृत्यृ भएको छ ।
कर्णाली राजमार्गअन्तर्गत दैलेखको आठबिस नगरपालिका-१ स्यालाकोटमा बस दुर्घटना हुँदा दुई जनाको मृत्यु भएको छ भने १९ जना घाइते भएका छन् ।
मृत्यु हुनेमा कालिकोटको शुभकालिका गाउँपालिका-१ भर्ताका अन्दाजी ३७ वर्षीय जितेन्द्रबहादुर शाही र कालिकोटकै नरहरिनाथ गाउँपालिकाका २१ वर्षीय कमल विक रहेका छन् ।
बसमा सवार २१ यात्रु मध्ये एकजनाको घटनास्थलमै र अर्का एकजनाको अस्पतालमा उपचारको क्रममा मृत्यु भएको हो ।
बिहीबार कालीकोटबाट सुर्खेतर्फ आउँदै गरेको कर्णाली प्रदेश-०२-००१ ख ०२४७ नम्बरको मिनीबस अनियन्त्रित भई सडकबाट करिब सय मिटर तल खसेर दुर्घटना भएको जिल्ला प्रहरी कार्यालय दैलेखले जानकरी दिएको छ ।
बसमा तीनजना प्रहरी पनि सवार रहेकोमा प्रहरी जवान रमेश चौधरी गम्भीर घाइते भएका छन् । दुर्घटनामा परी घाइते भएकामध्ये ७ जना गम्भीर छन् ।
उनीहरुलाई उपचारका लागि दैलेख जिल्ला अस्पतालमा पठाइएको छ भने अन्य सामान्य घाइतेहरुको स्थानीय मेडिकलमा उपचार भइरहेको छ ।
प्रहरी नायव उपरीक्षक श्रेष्ठका अनुसार घाइते मध्ये ११ जनालाई एम्बुलेन्स मार्फत उपचारका लागि सुर्खेत पठाएको छ । बस सडकबाट १०० मिटर तल खसेको थियो ।
दुर्घटनाका विषयमा थप अनुसन्धान भइरहेको दैलेख प्रहरीले बताएको छन् ।
