नेप्से ४७ अंकले बढेपछि एक अर्ब ७६ करोडको कारोवार -तालिकासहित

१३ चैत्र २०७३, आईतबार ००:००

काठमाडौं, १३ चैत । नेप्सेको उच्च बृद्धिदर साताको पहिलो दिन आज आईतबार पनि कायम रहेको छ । आज नेप्से ४७ दसमलव ७९ अंकले बढेर १५ सय ३३ दसमलव ८३ अंकमा कायम रहेको छ । नेप्से सेन्सिटिभ पनि १० दसमलव २२ अंंकले बढेर तीन सय ३३ दसमलव ४८ अंकमा कायम रहेको छ ।

नेप्सेमा आज कुुल एक सय ४३ कम्पनीहरुको १० हजार पाँच सय ५८ वटा कारोवारमा ३६ लाख ५७ हजार एक सय २२ कित्ता सेयर खरिद बिक्री हुंदा कारोवार रकम एक अर्ब ७५६ करोड एक लाख २५ हजार पाँच सय ५५ रुपैयाँ पुुगेको छ । सात वटा समुहको कारोवार भएकोमा सात वटै समुहको कारोवार बढेपछि नेप्से आज पुरै हरियो भएको छ ।

उच्च अंकले बढेको बीमा समुहको सुचक दुुई सय तीन दसमलव ३७ अंकले बढेर सात हजार चार सय ३० दसमलव २७ अंकमा कायम रहेकोमा ३४ करोड ९१ लाख १३ हजार रुपैयाँको कारोवार भएको छ । बाँणिज्य बैक समुहको सुचक ४४ दसमलव ४१ अंकले बढेर १४ सय ४२ दसमलव ५८ अंंकमा कायम रहेकोमा ७३ करोड ६७ लाख ११ हजार रुपैयाँको कारोवार भएको छ ।

यसैगरी जलबिद्युुत समुहको सुचक एक सय ५९ दसमलव चार अंकले बढेर १९ सय ९४ दसमलव ७६ अंंकमा कायम रहेकोमा १५ करोड ४६ लाख ४५ हजार रुपैयाँको कारोवार भएको छ । बिकास बैंक समुहको सुचक ६० दसमलव ९७ अंकले बढेर १७ सय १६ दसमलव २९ अंकमा कायम रहेकोमा २३ करोड सात लाख ८२ हजार रुपैयाँको कारोवार भएको छ ।

आज होटल समुहको सुचक ९६ दसमलव ४५ अंंकले, फाईनान्स समुहको सुचक २४ दसमलव सात अंकले बढेको छ भने अन्य समुहको सुचक एक अंकले बढेको छ । बढी कमाउने कम्पनीको सुचीमा आज हाम्रो बिकास बैंक परेको छ भने बढी गुुमाउने कम्पनीको सुचीमा सप्तकोशी डेभलपमेन्ट बैंक परेको छ ।

आज बढी गुुुमाउने समुहमा तीन वटा कम्पनीमात्र परेका छन् । यसैगरी रकम कारोवारका आधारमा आज प्रभुु इन्स्योरेन्स कम्पनीको संस्थापक सेयर अग्रस्थानमा परेको छ ।

बढी कमाउने पाँच कम्पनीहरु (रकम रुपैयाँमा)

बढी गुुमाउने पाँच कम्पनीहरु (रकम रुपैयाँमा)

बढी रकम कारोवार गर्ने पाँच कम्पनीहरु (रकम रुपैयाँमा)