बजारमा आज तोलामा ४ सयले बढ्यो सुनको मूल्य
नेपाली बजारमा आज सुनको मूल्य तोलामा ४ सयले बृद्धि भएको छ । अघिल्लो सातादेखि ओरालो लागेको सुनको मूल्य आइतबार पनि ओरालो नै लागेको थियो ।
नेपाल सुनचाँदी व्यवसायी महासङ्घले आजका लागि तय गरेको मूल्यसूचीअनुसार सुन तोलामा ४ सयले बढेको छ । प्रतितोला ८८ हजार ३०० मा आइतबार कारोवार भएकोे छापावाला सुन आज भने ८८ हजार ७०० मूल्य कायम भएको छ ।
त्यसैगरी तेजाबी सुनको मूल्य आइतबार प्रतितोला ८७ हजार ८५० हजारमा कारोवार भएकामा आजका लागि ८८ हजार २५० कायम भएको महासङ्घले जनाएको छ ।
तोलामा १ हजार ३२५ मा आइतवार कारोवार भएको चाँदी आजका लागि भने रु ५ले वृद्धि भई १ हजार ३५० मूल्य निर्धारण भएको छ ।
