धनुषामा स्कारपियोले मोटरसाइकललाई ठक्कर दिदा एक युवकको मृत्यु, १ घाइते
प्रदेश नं २ स्थित धनुषाको मिथिला नगरपालिकामा स्कारपियोले मोटरसाइकललाई ठक्कर दिदाँ एक युवकको मृत्यु भएको छ ।
मिथिला नगरपालिका ५ विश्रामपुरस्थित पूर्वपश्चिम राजमार्गमा गएराति ज ६ प २८३३ नम्बरको मोटरसाइकललाई बा १३ च ८०३८ नम्बरको स्कारपियोले ठक्कर दिँदा दुई जना गम्भीर घाइते भएका थिए ।
प्रादेशिक अस्पताल जनकपुरमा उपचारको क्रममा दिपेन्द्रको मृत्यु भएको प्रहरीले जनाएको छ ।ठक्करबाट मिथिला नगरपालिकाका २४ बर्षिय दिपेन्द्र महतो र बर्ष २० का रोशन लामा घाइते भएका थिए ।
घाइते लामाको प्रादेशिक अस्पताल जनकपुरमा उपचार भइरहेको ईलाका प्रहरी कार्यालय ढल्केवरले जानकारी दिएको छ ।
दिपेन्द्रको शव पोष्टमार्टमको तयारी भइरहेको र घटनाबारे थप अनुसन्धान भइरहेको प्रहरीले जनाएको छ ।
ठक्कर दिएर घटनास्थलबाट स्कारपियो फरार भएको थियो ।सोही कारण आक्रोशित भएका स्थानीयहरुले करिब आधा घण्टा पूर्व-पश्चिम राजमार्ग अवरुद्ध गरेका थिए।
मोटरसाइललाई ठक्कर दिएर फरार भएको स्कारपियो गाडी धनुषा प्रहरीले २ घण्टापछि नियन्त्रणमा लिएको थियो ।
