भ्रमण विवादित हुने भएपछी भारतीय गृहमन्त्री शाहको काठमाडौं आउने कार्यक्रम स्थगित
नेपालमा चरम राजनीतिक द्वन्द्व मच्चिएका बेला भ्रमण विवादित हुने आन्तरिक रिपोर्टिङपछि भारतीय गृहमन्त्री अमित शाहको नेपाल भ्रमण स्थगित भएको छ ।
ओली भारत जाने मार्ग प्रसस्त गर्न कोहि एक जना शिर्ष सरकारी नेता नेपाल आईदिनु पर्ने शर्त अनुसार अमित शाहको नेपाल भ्रमण तय भएको थियो ।
भारतको सत्तारुढ भारतीय जनता पार्टी BJP र ओलीबीच पछिल्लो समय राम्रो सम्बन्ध बन्दै गर्दा त्यसका लागि पार्टीगत सम्बन्ध नै आवश्यक रहेको समझदारी बनेको थियो ।
त्यसै शिलशिलामा कि राजनाथ सिंह कि अमित शाह मध्ये कोहि नेपाल आउनुपर्ने सम्झदारी बनेको थियो ।
यद्यपि अहिले नेपालको आन्तरिक राजनीतिक द्वन्द्व चरम उत्कर्षमा रहेकाले अहिलेको भ्रमण विवादित हुनसक्ने बुझाई सहित शाहको भ्रमण स्थगित भएको बताईएको छ ।
यता भारतकै सहयोग आश्वासनका अधारमा ओलीले जेपनि गर्न तम्तयार रहेको बताईएको छ । श्रोतका अनुसार ओलीले बनाउने पार्टीको नाम पनि पछि फेर्नेछन् ।
श्रोतका अनुसार भाजपासँग सम्बन्ध बनाउन कम्युनिष्ट नाम हटाउनुपर्ने भाजपाको शर्त रहेको छ । जस अनुसार ओलीले पनि छुट्टै पार्टी बनाएर त्यसको नाममा कम्युनिष्ट न जोड्ने योजनामा छन् ।
भारतको सत्तारुढ दल भारतीय जनता पार्टीका पुर्व अध्यक्ष समेत रहेका शाहको चुनावी भ्रमणका शिलशिलामा आसाम-मणिपुर छन् ।
उनी आसाम-मणिपुरको भ्रमणका लागि हिजो गुवाहाटी पुगेका हुन् ।
