बैतडीमा जीप दुर्घटना हुदाँ चालकको मृत्यु, तीन जना घाइते
सुदूरपश्चिम प्रदेश अन्तरगत रहेको बैतडीमा जीप दुर्घटना हुँदा एक जनाको मृत्य भएको छ ।
उक्त दुर्घटना चालकको घटना स्थलमै मृत्यु भएको हो भने तीन जना घाइते भएका छन्। घाइतेमध्ये दुई जनाको अवस्था गम्भीर छ।
आज बिहान ५ बजेतिर जयपृथ्वीराज मार्गअन्तर्गत सुर्नया गाउँपालिकाको आलुगैरामा धनगढीबाट बझाङतर्फ गइरहेको से १ ज ८४३ नम्बरको जीप दुर्घटना भएको हो ।
दुर्घटनामा बझाङको बुंगल नगरपालिका-११ घर भएका चालक धनबहादुर बोहराको घटनास्थलमै मृत्यु भएको जिल्ला प्रहरी कार्यालयबैतडीले जानकारी दिएको छ ।
बैतडीको पुर्चौड नगरपालिका-४ भटनाका ३५ वर्षीय जनकराज भट्ट र सोही ठाउँका अन्दाजी ४० वर्षीय गंगादत्त भट्टको अवस्था गम्भीर छ ।
दुर्घटनामा अर्का घाइते बझाङको बित्थडचीर गाउँपालिकाका हरिश बोहराको अवस्था भने समान्य रहेको प्रहरीले जनाएको छ।
