एक साताभित्र उखु किसानको भुक्तानीको व्यवस्था मिलाउन सरकारलाई निर्देशन
एक साताभित्र किसानको भुक्तानीको व्यवस्था मिलाउन सरकारलाई संसदीय समितिले निर्देशन दिएको छ ।
बिहीबार बसेको प्रतिनिधिसभाको उद्योग तथा वाणिज्य र श्रम तथा उपभोक्ता हित समितिले सातदिन भित्र उखु किसानको भुक्तानी व्यवस्था मिलाउन सरकारलाई निर्देशन दिएको छ ।
उखु किसानले चिनी सञ्चालकले भुक्तानी नदिएको भन्दै केही दिनदेखि काठमाडौंमा आन्दोलन गरिरहेका छन् ।
सर्लाही, रौतहट, नवलपरासी, बारा, पर्सा लगायतका जिल्लाका झन्डै ४०० जना किसानले माइतीघर मण्डलामा प्रदर्शन गरिरहेका छन् ।
