बजारमा सुनको मूल्य लगातार ओरालो लाग्दै, आज पनि तोलामा एक हजार घट्यो
नेपाली बजारमा आज सुनको मूल्य तोलामा एक हजार रुपैयाँ घटेको छ ।
आज सुनको तोलामा एक हजार रुपैयाँ घटेर छापावाल सुनको मूल्य तोलाको ९१ हजार पाँच सय कायम भएको नेपाल सुनचाँदी व्यवसायी महासंघले जनाएको छ ।
यस्तै आज तेजाबी सुन तोलाको ९१ हजार रुपैयाँ कायम भएको छ । आज चाँदीको भाउ तोलामा पाँच रुपैयाँ घटेर ११ सय ७५ रुपैयाँ कायम भएको महासंघले जनाएको छ ।
हिजो पनि सुनको भाउ तोलामा एक हजार आठ सय रुपैयाँ घटेको थियो ।
