विश्वभरमा कोरोना संक्रमितको संख्या ५ करोड ५३ लाख नाघ्यो
विश्वभरमा अहिलेसम्म कोरोना संक्रमितको संख्या ५ करोड ५३ लाख ४९ हजार पुगेको छ । बितेको २४ घन्टामा पाँच लाख नयाँ संक्रमित थपिएपछि कुल संक्रमित संख्या ५ करोड ५३ लाख ४९ हजार पुगेको हो ।
पछिल्लो तथ्यांक अनुसार १३ लाख ३२ हजार ३ सयको मृत्यु भएको छ । विश्वभर ३ करोड ८४ लाख कोरोना भाइरसको संक्रमण मुक्त भएका छन् ।
विश्वभरमा एक करोड ५५ लाख सक्रिय संक्रमित छन् ।सबैभन्दा बढी अमेरिकामा एक करोड १५ लाख कोरोना संक्रमित भइसकेका छन् । जसमध्ये २ लाख ५२ हजारको मृत्यु भइसकेको छ ।
भारतमा ८८ लाख ७४ हजार संक्रमितमध्ये एक लाख ३० हजारको मृत्यु भइसकेको छ । ब्राजिलमा ५८ लाख ७६ हजार संक्रमितमध्ये एक लाख ६६ हजारको मृत्यु भएको छ ।
यूरोपमा कोरोना भाइरसको महामारी बढेको छ । यो जाडो मौसमा यूरोपमा कोरोनाको कहर डरलाग्दो हुने संकेत देखिएको छ ।
फ्रान्समा १९ लाख ९१ हजार संक्रमित संख्यामध्ये ४५ हजारको मृत्यु भइसकेको छ ।बेलायतमा १३ लाख ९० कोरोना संक्रमितमध्ये ५२ हजारको मृत्यु भएको छ ।
इटालीमा १२ लाख संक्रमितमध्ये ४५ हजारको मृत्यु भएको छ ।रुसमा १९ लाख ४८ हजार संक्रमितमध्ये ३३ हजारको मृत्यु भएको छ । स्पेनमा १५ लाख २१ हजार संक्रमितमध्ये ४१ हजारको मृत्यु भइसकेको छ ।
यूरोपका देशहरुले संक्रमित र मृतक संख्यामा अन्य देशहरुलाई धमाधम उछिन्न थालेका छन् ।
