नेपाल उद्योग वाणिज्य महासंघले सार्वजनिक गर्यो निर्वाचन कार्यतालिका
कोरोना भाइरसका कारण सारिँदै आएको बाणिज्य महासंघको निर्वाचनको मितिको कार्यतालिका सार्वजनिक गरेको छ ।
नेपाल उद्योग वाणिज्य महासंघले आगामी मंसिर १२ गते निर्वाचन गर्ने गरी कार्यतालिका सार्वजनिक गरेको हो ।
महासंघको ५४ औँ वार्षिक साधारणसभा मंसिर ११ र १२ गते तोकिएको छ । साधारणसभाको अन्तिम दिन अर्थात १२ गते निर्वाचन हुने महासंघले जानकारी दिएको छ ।गत चैतमै हुनुपर्ने निर्वाचनको मिति कोरोना भाइरसका कारण सारिँदै आएको थियो ।
नयाँ कार्यतालिका अनुसार निर्वाचनका लागि तीन ठाउँमा मतदान गर्ने व्यवस्था मिलाइनेछ । जसअनुसार महासंघको कार्यालय टेकु, कार्की व्याङकेट बबरमहल र प्रज्ञा प्रतिष्ठान कमलादीमा निर्वाचनका कार्यक्रमहरू गर्ने सूचनामा भनिएको छ ।
कोभिड १९ र सरकारले तोकेको स्वास्थ्य मापदण्ड पालना गर्दै भिन्दा भिन्न भिन्न ठाउँमा निर्वाचनका कार्यक्रम तय गरिएको महासंघले जनाएको छ ।
