पोल्याण्ड सरकारले राष्ट्रिय रंगशालालाई नै बनायो कोरोना अस्थायी अस्पताल
पोल्याण्ड सरकारले कोरोना संक्रमितको उपचारका लागि अस्पतालको अभाव भएकाले राष्ट्रिय रंगशालालाई कोरोना अस्पताल बनाएको छ ।
राजधानी वार्सामा रहेको राष्ट्रिय रंगशालालाई नै अस्थायी अस्पतालमा परिणत गर्ने निर्णय भए अनुसार निर्माण गरिएको अधिकारीहरुले जानकारी दिएका छन् ।
कोरोना संक्रमितको उपचारका लागि अस्पतालको अभाव भएकाले राष्ट्रिय रंगशालालाई नै कोरोना अस्पताल बनाइएको त्यहाँका स्वास्थ्य मन्त्रालयले जानकारी दिएको छ ।
उक्त रंगशाला युरो २०१२ फुटबल च्याम्पियनसिप सञ्चालन गर्नका लागि निर्माण गरिएको थियो ।अस्थायी अस्पताल बनाउन लागिएको रंगशालामा ५८ हजार ५०० जना दर्शक बस्न मिल्ने क्षमता छ ।
पछिल्लो समय पोाल्याण्डमा पनि कोेरोना संक्रमितको संख्या तीव्ररुपमा वृद्धि भइरहेको छ ।पोल्याण्डमा हालसम्म १ लाख ८३ हजार २४८ जना कूल संक्रमित छन् ।
जसमध्ये ३ हजार ६ सय बढीको मृत्यु भइसकेको छ ।पोल्याण्डमा कूल ३ करोड ८० लाख जनसंख्या रहेको छ ।
