नेपालमा थप १२ जना कोरोना संक्रमितको मृत्यु, मृतक संख्या ६७५ पुग्यो
नेपालमा पछिल्लो २४ घण्टामा थप १२ जना कोरोना संक्रमितको मृत्यु भएको छ ।
योसँगै नेपालमा कोरोना संक्रमित मृतकको संख्या ६ सय ७५ पुगेको स्वास्थ्य तथा जनसंख्या मन्त्रालयले जनाएको छ ।
कोरोनाको आशंकामा गत २४ घण्टामा १३ हजार ९ सय ४७ जनाको पिसिआर परीक्षण भएको छ । २४ घण्टामा २ हजार ६३८ जना थपिएसँगै नेपालमा कुल कोरोना संक्रमितको संख्या १ लाख १७ हजार ९ सय ९६ पुगेको छ ।
नेपालमा कुल संक्रमितमध्ये मृत्यु हुने दर ०.५८ प्रतिशत छ ।
