पशुपति क्षेत्र संयुक्त संघर्ष समितिद्वारा पाँचबुँदे मागसहित प्रदर्शन
पशुपति क्षेत्र विकास कोषद्वारा लागु गर्न लागेको गरुयोजनाबो विरोध जनाउदै पशुपति क्षेत्र संयुक्त संघर्ष समितिले विरोध पर्दशन गरेको छ ।
उक्त समितिले हिजो पनि बत्ती निभाएर विरोध गरेको थियो । आज पनि विभिन्न पाँचबुँदे मागसहित पशुपतिमा प्रर्दशन गरेको छ । उनिहरुका माग हरु निम्न छन् – १. पशुपति क्षेत्र विकास कोषद्वारा लागु गर्न लागेको तथाकथित गुरुयोजना खारेज गर ।
२.स्थानीयसँग समन्वय, छलफल नगरी एकलौटी ढंगबाट गुरुयोजना बनाउने सदस्य सचिवलगायत पदाधिकारीहरु राजीनामा दे ।
३. पशुपति क्षेत्र विकास कोष खारेज गरी स्थानीयको नेतृत्वमा नयाँ संरचना निर्माण गर । ४. पशुपति क्षेत्र विकास कोषलाई भर्तीकेन्द्र बनाउने खेल तत्काल बन्द गर ।
५.तथाकथित भनिएको गुरुयोजनामा समावेश भएका निर्माण कार्य तथा जथाभावी ठेक्कापट्टा तत्काल बन्द गर जस्ता माग रहेका छन् ।समितिका संयोजक कृष्णमान श्रेष्ठले माग पूरा नहुने बेलासम्म आन्दोलन नरोकिने बताए ।
