कर्मचारीमा कोरोना पुष्टि भएपछि सिरहा जिल्ला प्रशासन कार्यालय एक साताका लागि बन्द
कर्मचारीमा कोरोना संक्रमण पुष्टि भएपछि सिरहा जिल्ला प्रशासन कार्यालय एक साताका लागि बन्द गरिएको छ ।
जिल्ला प्रशासन कार्यालय सिरहाले शान्ति सुरक्षा र मुद्दासम्बन्धीबाहेक सम्पूर्ण सेवा आजदेखि एक साताका लागि बन्द गरेको हो ।
प्रमुख जिल्ला अधिकारी प्रदीपराज कँणेलले सूचना प्रकाशित गरी कार्यालयमा कार्यरत कर्मचारीमध्ये हालसम्म आठ जनामा कोभिड सङ्क्रमण देखिएको हुँदा जोखिम न्यूनीकरण गर्ने उद्देश्यले शान्ति सुरक्षा र मुद्दासम्बन्धीबाहेक सम्पूर्ण सेवा आजदेखि एक साताका लागि बन्द गरिएको जानकारी दिएका छन् ।
