स्थायी राजधानीको प्रस्तावविरुद्ध कांग्रेसद्वारा रूपन्देही बन्दको घोषणा
प्रदेश सरकारले प्रदेशको स्थायी राजधानी दाङ देउखुरी बनाउने प्रस्ताव प्रदेशसभामा पेस गरेको विरोधमा नेपाली कांग्रेसले भोलि रूपन्देही बन्द गर्ने निर्णय गरेको छ ।
आज बुटवलमा बसेको कांग्रेसको बैठकले १९ वटै वडामा आज साँझ राँके जुलुस गर्ने र भोलि रूपन्देही बन्द गर्ने निर्णय गरेको हो । कांग्रेस रूपन्देहीको शनिबार बुटवलमा बसेको बैठकले विभिन्न आन्दोलनका कार्यक्रमहरू सार्वजनिक गर्दै युवा, विद्यार्थी तथा उद्योगी व्यवसायीसँग छलफल अगाडि बढाएको छ ।
आज राँके जुलुस, भोलि रूपन्देही बन्द तथा नेकपाका सांसदका घर अगाडि कालो झण्डा प्रदर्शन, १९ गतेदेखि प्रदेशसभा घेराउ लगायतका कार्यक्रम गर्ने निर्णय भएको कांग्रेस नगर सभापति खेलराज पाण्डेयले जानाकारी दिए ।
