नयाँ मन्त्री छान्न ओली–प्रचण्डबीच बालुवाटारमा घनिभूत छलफल
नेकपाका अध्यक्ष तथा प्रधानमन्त्री केपि शर्मा ओली र कार्यकारी अध्यक्ष पुष्पकमल दाहाल प्रचण्डबीच बालुवाटारमा छलफल भएको छ।
सोमबारका लागि तय गरिएको पार्टीको सचिवालय बैठक स्थगित गरेर दुई अध्यक्ष आपसी छलफलमा बसेका हुन्। नयाँ मन्त्री कसलाई बनाउने र भएका कसलाई हटाउने भन्नेबारे ओली र प्रचण्डबीच प्रधानमन्त्री निवासमा दुई घन्टा छलफल भएको थियो।
आइतबार बसेको सचिवालय बैठकले मन्त्रिमण्डल पुनर्गठन गर्दा नाम चयन गर्ने अधिकार अध्यक्षद्वय ओलि र प्रचण्डलाई दिएको थियो।
ओलि र प्रचण्ड दुवैले मन्त्रिमण्डल पुनर्गठनको विषय छिटोभन्दा छिटो टुंग्याउन चाहेको नेताहरुको भनाइ छ।
