आज ९८० कोरोना संक्रमित थपिए, १८१४ जना डिस्चार्ज
नेपालमा गएको २४ घण्टामा ९ सय ८० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
पछिल्लो २४ घण्टामा १० हजार तीन सय ८२ जनाको पीसीआर विधिमार्फत परीक्षण गर्दा ९ सय ८० जनामा कोरोनाको सङ्क्रमण देखिएको हो । योसँगै कोरोना सङ्क्रमितको सङ्ख्या ४६ हजार २ सय ५७ पुगेको छ ।
यस्तै गएको २४ घण्टामा एक हजार आठ सय १४ जना कोरोना सङ्क्रमित निको भएर घर फर्किएसँगै डिस्चार्ज हुनेको सङ्ख्या २८ हजार नौ सय ४१ पुगेको छ ।
यस्तै गएको २४ घण्टामा ९ जनाको कोरोनाबाट मृत्यु भएको योसँगै कोरोना सङ्क्रमणबाट मृत्यु हुनेको सङ्ख्या दुई सय ८९ पुगेको मन्त्रालयका प्रवक्ता डाक्टर जागेश्वर गौतमले जानकारी दिए ।
अब नेपालमा १७ हजार २७ जना सक्रिय सङ्क्रमित आइसोलेशनमा रहेका छन् । यस्तै ४ हजार ७ सय ३ जना क्वरेण्टीनमा रहेको मन्त्रालयले जनाएको छ ।
