२४ घण्टामा ८८५ जनामा कोरोना सङ्क्रमण पुष्टि, ३८५ डिस्चार्ज
नेपालमा पछिल्लो समयमा कोरोना संक्रमित ह्वातै बढीरहेको अवस्थामा गएको २४ घण्टामा ८ सय ८५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
योसँगै कोरोना सङ्क्रमितको ३४ हजार चार सय १८ सङ्ख्या पुगेको छ । पछिल्लो २४ घण्टामा १३ हजार दुई सय ५३ जनाको पीसीआर विधिमार्फत कोरोना परीक्षण गर्दा आठ सय ८५ जनामा सङ्क्रमण देखिएको मन्त्रालयले जनाएको छ ।
यस्तै गएको २४ घण्टामा ३ सय ८५ जना कोरोना सङ्क्रमित निको भएर घर फर्किएसँगै डिस्चार्ज हुनेको सङ्ख्या १९ हजार पाँच सय चार पुगेको छ ।
अब नेपालमा १४ हजार सात सय ३९ जना सक्रिय सङ्क्रमित आइसोलेशनमा रहेका छन् । यस्तै नौ हजार आठ सय ३२ जना क्वरेण्टीनमा रहेको मन्त्रालयले जनाएको छ ।
