देशभर ७४१ प्रहरीमा कोरोना पुष्टि, प्रधान कार्यालयमा मात्रै १६९ जनामा संक्रमण
नेपालमा अहिलेको बर्तमान समयमा कोरोना एकदमै फैलिरहेको अवस्थामा नेपाल प्रहरीमा ७४१ जनामा कोरोना संक्रमण पुष्टि भएको छ ।
जसमध्ये ४५७ जना सक्रिय कोरोना संक्रमित छन् । २८४ जना उपचारपछि कोरोनामुक्त भई डिस्चार्ज भएका छन् ।
प्रहरी प्रधान कार्यालयमा कार्यरत १६९ र उपत्यकाका ३८ जना सक्रिय संक्रमित छन् । प्रहरी प्रवक्ता एसएसपी कुवेर कडायतका अनुसार प्रदेश १ मा २९, प्रदेश २ मा ६२, वाग्मती प्रदेशमा ४८, गण्डकीमा ४३, प्रदेश ५ मा ५५, कर्णाली प्रदेशमा ७ र सुदूरपश्चिम प्रदेशमा ६ जना सक्रिय संक्रमित छन् ।
पछिल्लो समय प्रहरीमा कोरोना संक्रमितको संख्या बढ्दै गएको छ । देशका अन्य क्षेत्रमा भन्दा काठमाडौंमै कार्यरत प्रहरीमा संक्रमण बढी देखिएको छ ।
