कोरोना महामारी विश्वले सामना गरेको सबैभन्दा गम्भीर स्वाथ्य आपतकाल : WHO
अहिले विश्वमाहामारीको रुपमा फैलिएको कोरोना भाइरस विश्वको लागि चिन्ताको विषय बनिरहेको अवस्थामा डब्लुएचओका प्रमुखले कोरोना भाइरसको महामारी विश्वले सामना गरेको सबैभन्दा गम्भीर स्वाथ्य आपतकाल रहेको बताएका छन् ।
डब्लुएचओका महानिर्देशक डा. टेडरोज आध्यनोम गेब्रेयेसोसले कोभिड-१९ को स्वास्थ्य आपतकाल अहिलेसम्मकै सबैभन्दा गम्भीर स्वास्थ्य समस्या र गम्भीर विपद रहेको बताएका हुन् ।
डब्लुएचओले यो हप्ता कोरोना भाइरसका कारण घोषित स्वास्थ्य आपतकालको अहिलेसम्मको अवस्था मुल्यांकनका लागि आकश्मिक बैठक बस्दैछ ।
विश्व स्वास्थ्य संगठनले यसअघि इबोला (दुई पटकको महामारी), जिका, पोलिओ र स्वाइन फ्लूका बेला विश्वव्यापी स्वास्थ्य आपतकाल लगाएको छ ।
डा. टेडरोजले भनेका छन्, ‘जब मैले अन्तर्राष्ट्रिय चासोको सार्वजनिक स्वाथ्य आपतकाल ३० जनवरीमा घोषणा गरेको थिएँ‘ त्यो बेला चीन बाहिर १०० भन्दा कम केस थिए संक्रमणका र कसैको मृत्यु भएको थिएन ।’
उनले ‘कोभिड–१९ ले हाम्रो विश्वलाई परिवर्तन ग¥यो । यसले मानिसहरु, समुदायहरु र राष्ट्रहरुलाई एक ठाउँमा ल्याएको छ । र यसले सबैलाई विभाजित पनि गराएको छ ।’
पछिल्लो ६ हप्तामा संक्रमितको संख्या लगभग डबल भएको उनले बताए । विश्वले भाइरससँग लड्नका लागि राम्रो प्रयास गरेको भए पनि अझै पनि कोरोना भाइरसलाई जित्नका लागि लामो बाटो तय गर्न बाँकी नै रहेको डा. टेडरोजले बताएका छन् ।
यसैबिच विश्वमा सबैभन्दा बढी प्रभावित भएको अमेरिकामा राष्ट्रपति डोनाल्ड ट्रम्पका राष्ट्रिय सुरक्षा सल्लाहकार रोबर्ट ओ’ब्रिइएनमा कोरोना भाइरस संक्रमण भएको छ ।
विश्वभर अहिलेसम्म कोरोना भाइरसबाट संक्रमित हुनेको संख्या एक करोड ६३ लाख ९६ हजार भन्दा बढी पुगेको छ ।
यस्तै कोभिड-१९ बाट अहिलेसम्म विश्वभर ६ लाख ५१ हजार ९ सय भन्दा धेरैको ज्यान गएको जोन्स हप्किन्स विश्वविद्यालयको कोरोना भाइरस स्रोत केन्द्रले जनाएको छ ।
