अमेरिकी र्यापर कान्यलाई बाइपोलार डिसडअर मानसिक समस्या भएको खुलासा
र्यापर कान्य अमेरिकाका सबैभन्दा चर्चित अमेरिकी सांगीतिक हस्ती मध्ये एक हुन् । उनले केही हप्ताअघि राष्ट्रपतिका लागि उम्मेदवारी दिने घोषणा गरेका थिए ।
तर उनको पहिलो चुनावी र्याली र त्यसपछिका ट्वीटहरुले चासो र दुविधा सिर्जना गरेको छ ।कान्यकी श्रीमति किम कार्डाशियन वेष्टले आफ्नो श्रीमानको मानसिक स्वास्थ्यका बारेमा सार्वजनिक रुपमा टिप्पणी गरेकी छन् ।
पछिल्ला केही दिनमा सार्वजनिक भएका कान्यका अस्थिर वक्तव्यहरुपछि किमले सार्वजनिक रुपमा बोलेकी हुन् ।
उनले इन्स्टाग्राममा लेखेकी छन्, ‘अधिकांशलाई थाहा छ कि कान्यलाई बाइपोलार डिसडअर छ ।’
‘जो कोही पनि यो समस्याबाट गुज्रिएका छन् वा प्रिजयनमा यो समस्या छ उनीहरुलाई थाहा हुन्छ कि यो बुझ्नका लागि कति जटिल र पीडादायी हुन्छ भन्ने’ किमले लेखेकी छन्, ‘कान्य प्रतिभाशाली तर जटिल व्यक्ति हुन् । कहिले काहिँ उनले जे बोल्छन्, वास्तवमा उनको मनसाय त्यस्तो हुँदैन ।’
किम र कान्यले सन् २०१४ मा विवाह गरेका थिए र उनीहरुका चार सन्तान छन् ।किमले बुधबार इन्स्टाग्राममा पोस्ट गरेको सन्देशमा आफूले पहिले आफ्नो परिवारलाई प्रभावित गरेको मानसिक स्वास्थ्यका बारेमा सार्वजनिक रुपमा नबोल्नुको कारण सन्तानको माया र कान्यको गोपनियता रहेको उल्लेख गरेकी छन् ।
उनले लेखेकी छन्, ‘तर आज मैले यो विषयमा बोल्नै पर्छ जस्तो लाथ्यो किनकी मानसिक स्वास्थ्यलाई लिएर कायम गलत धारणा र स्टीग्मा हटाउनु आवश्यक छ ।’
उनले आफ्ना श्रीमान कान्य बेलाबेलामा आलोचनाको केन्द्रमा आउने भए पनि उच्च तहको समभाव र समझदारीका लागि आग्रह गरेकी छन् । कान्य मनको सफा रहेको पनि किमले सन्देशमा उल्लेख गरेकी छन् ।
उनले गोपनियताको सम्मान गरिदिन सञ्चारमाध्यम र सर्वसाधारणसँग अपिल गरेकी छन् ।
