चीनले कोरोनाविरुद्ध खोपको जानकारी चोरीका लागि ह्याकर खटाएको अमेरिकाको आरोप
अमेरिकाको न्याया विभागले कोरोना भाइरसविरुद्धको खोपको विकासमा खटिएका ल्याबमाथि निशाना बनाउन चीनले ह्याकरहरु नियुक्त गरेको आरोप लगाएको छ ।
उनीहरुले चीनको सरकारी एजेन्टबाट सहयोग प्राप्त गरेको आरोप छ । अमेरिकाले हालै चीनको एक साइबर जासुसी कार्यक्रमबारे थाहा भएको बताएको थियो ।
कोरोना भाइरस सम्बन्धी अनुसन्धान गरिरहेका अमेरिकी कम्पनीहरुमाथि निगरानी गरेको अभियोगमा न्याय विभागका अधिकारीले दुई चिनियाँमाथि अभियोग दर्ता गरेका छन् ।
अमेरिकाले लि सिओयु र दोङ्ग जिझी नाम गरेका इलेक्ट्रिकल इन्जिनियरिङ्गका पूर्व विद्यार्थीमाथि साइबर अपराधमा संलग्न भएको अभियोगमा मुद्दा दायर गरेको हो ।
गएको हप्ता बेलायत, अमेरिक र क्यानडाले रुसले कोरोना भाइरसविरुद्धको खोप सम्बन्धी जानकारी चोरीको प्रयास गरेको अभियोग लगाएका थिए ।
