भारतको पीजीआई रोहतकमा कोरोना खोपको मानिसमा परीक्षण शुरु
भारतको पीजीआई रोहतकमा कोरोना भाइरस (कोभिड-१९) विरुद्धको खोपको मानिसमा परीक्षण शुरु भएको छ ।
भारत बायोटेक कम्पनीले निर्माण गरेको उक्त खोप यसअघि मुसा र खरायोमा परीक्षण गरिएको थियो । उक्त परीक्षण सफल भएको बताइएको छ ।
यो परीक्षण सफल भएपछि अहिले मानिसमा कोरोना भाइरसविरुद्धको खोपको परीक्षण शुरु भएको हो ।
यो परीक्षणमा सहभागी मानिसहरुमा खोपको कुनै पनि किसिमको नराम्रो प्रभाव नदेखिएको हरियाणाका स्वास्थ्यमन्त्री अनिल विजले बताएका छन् । भारतमा मात्र कोरोना भाइरसबाट संक्रमित हुनेको संख्या १० लाख नाघेको छ ।
