दाङमा पुनःदेखियो सलह, पानीको प्रवाह नगरी किसानहरु खेतबारीमा रित्ता भाँडा ठटाउँदै
प्रदेश ५ स्थित दाङको राप्ती गाउँपालिका वडा नं.२, ३ र ४ मा ठूलो संख्यामा पून सलह किरा देखिएको छ ।
पूरै गाउँ ढाक्ने गरी सलह किरा आकाशमा उडेको देख्नासाथ पानीको प्रवाह नगरी किसानहरु आआफ्नो खेतबारीमा पुगेर रित्ता भाँडा ठटाइरहेका छन् ।
किसानहरुले सलह किरा भगाउन थाल, जर्किन, टिनका भाँडा ठटाउने गरे पनि हल्लाखल्ला गरे पनि कतिपयको मकैबाली सलह किराले खाएर सखाप पारेको राप्ती गाउँपालिकाको लालमटियाका बासुदेव न्यौपानेले बताए ।
यसअघि असार १३ मा नेपाल पवेश गरेको सलह १६ असारमा देउखुरी क्षेत्रमा देखिएको थियो । सो क्षेत्रमा मकैबाली सखाप पारेको थियो । फेरि पनि सलह किरा आएपछि किसानहरु त्रसित भएका छन् । पहिलेको सलहको झुण्ड भन्दा आज प्रवेश गरेको सलह निकै ठूलो भएको न्यौपानेले बताए ।
