लकडाउन अवधिमा मात्रै यूएईमा ८९ जना नेपालीको मृत्यु
बैदेशिक रोजगारीको लागि गएका नेपालीहरुको लकडाउन अबधिभर संयुक्त अरब एमिरेट्स यूएईमा ८९ जनाको मृत्यु भएको छ ।
गएको चार महिनामा विभिन्न कारणले ८९ जना नेपालीको मृत्यु भएको यूएईमा रहेको नेपाली दूतावासले जनाएको छ । त्यसमध्ये २९ जनाको कोरोना भाइरसका कारण मुत्यु भएको हो । कोरोनाका कारण ज्यान गुमाउनेमध्ये १ जना महिला र बाँकी २८ जना पुरुष रहेका छन् ।
गएको मार्च अन्तिम सातादेखि सुरु भएर जुलाई पहिलो सातासम्ममा ९लकडाउन अवधिभर० यूएईमा ८९ जना नेपालीको मृत्यु भएको दूतावासले जनाएको छ । ४२ जनाको अन्त्येष्टि यूएईमै ज्यान गुमाएका ८९ मध्ये ४२ जनाको अन्त्येष्टि यूएईमै गर्न दूतावासले ‘नो अब्जेक्सन’ जारी गरेको छ । यूएईमै अन्त्येष्टिका लागि नो अब्जेक्सन जारी गरेका ४२ जना कोरोना बाहेक अन्य कारणले ज्यान गुमाएका हुन ।
त्यस्तै कोरोनाको कारण ज्यान गुमाउने २९ जनाको पनि अन्त्येष्टि भइसकेको छ । बाँकी १८ जनामध्ये ११ जनाको शव नेपाल पठाइएको दूतावासले जनाएको छ । बाँकी ७ जनाको शव अझै पनि विभिन्न अस्पतालको शवगृहमा राखिएको छ ।
