सिन्धुपाल्चोक बाढी अपडेट : दुईको मृत्यु, १८ बेपत्ता
बाग्मति प्रदेश स्थित सिन्धुपाल्चोक जिल्लाको बाह्रबिसे र भोटेकोशीमा बाढीले घर बगाउँदा दुईको मृत्यु दुईको मृत्यु,१८ बेपत्ता भएका छन् ।
दुई जना घाइते भएका छन् ।जम्बु निवासी २० वर्षीय निकेश बस्नेत र उनकी तीन वर्षीया छोरीको शव फेला परेको छ ।
स्थानीय खहरे खोलामा आएको बाढीले झण्डै दुई दर्जन घर बगाएक जिल्लाको जबमु बजारमा बाढी पहिलोले ठुलो क्षति पुगेको छ । गएरातिदेखिको अविरल वर्षाले जम्बु बजारमा क्षति पुगेको हो ।
बाह्रबिसे नगरपालिका ३ जम्बु बजारमा खहरे खोलामा आएको बाढीले १८ जना बेपत्ता भएका नगरपालिकाका प्रमुख निमफुन्जो शेर्पाले जानकारी दिएका छन ।
त्यहाँ दुई जनाको शव समेत फेला परेको छ । २०/२२ वटा घरमध्ये ३/४ वटाबाहेक अरु पहिरोले लगेको पनि शेर्पाले बताए । त्यहाँको पक्की पुलसमेत बगाएको छ । जुरे, बाह्रबिसे लगायतका क्षेत्रमा सडक अवरुद्ध भएको छ ।
यस्तै भोटेकोशी गाउँपालिकामा चार जना बेपत्ता भएका छन् । बर्कुटे भन्ने ठाउँमा स्थानीय खहरे खोलामा बाढी आउँदा दुईवटा घर बगाएको गाउँपालिकाका अध्यक्ष राजकुमार पौडेलले जानकारी दिए ।
बाढी आएको थाहा पाएपछि एउटा घरमा भएका सबै भाग्न सफल भएका र अर्को घरका चार जना बेपत्ता भएका उनले बताए ।
त्यहाँ दुई जना बालबालिका घाइते भएका छन् ।घाइतेको उद्धार र बेपत्ताहरुको खोजी भैरहेको सिन्धुपाल्चोक प्रहरीले जनाएको छ ।
