अर्घाखाँचीमा सलहको ठूलो समूह देखियो, स्थानीयद्धारा धुँवैधुवा बनाएर भगाउने प्रयास
अर्घाखाँचीमा सलहको ठूलो समूह देखा परेको छ । जिल्लाको सन्धिखर्क नगरपालिकाको हटारिनेटामा मकैबालीमा छपक्कै सलह किरा बसेका छन् । 
स्थानीले सलहलाई भगाउन आगो बालेर धुँवैधुवा बनाएपनि भागेको छैन । कतिपयले सलह समातेर बोतलमा राखेका छन् । बालबालिका पनि सलह समात्दै खेलिरहेका छन् ।
आकाशमा पनि प्रशस्त मात्रामा सलह उडेको देखिन्छ । सन्धिखर्क नगरपालिक– १ हटारिनेटाका रामबहादुर कुमालले भने,‘सलहले मकैँ सखापै परेको छ, जति जेजे गरेनि भागेन् ।,’
अर्घाखाँचीमा सलह जिल्लाका अधिकांश भेगमा पुगेको छ । जिल्लाको कुर, ढिकुरा, झन्द्रेक, धनचौँर लगायतका स्थानमा सलहले खेतमा भएको मकैँ नष्टै पारेको छ । सलहले जिल्लाभर केकति क्षती पु-याएको भन्नेबारे स्थानीय प्रशासनले खुलाएको छैन । 
