सीमामा सुरक्षा सर्तकता बढाउँदै सरकार, थप ८९ बीओपी थपिँदै
सरकारले सीमा क्षेत्रमा सुरक्षा सर्तकता बढाउनेगरी सशस्त्र प्रहरीको बीओपी थप्ने तयारी गरेको छ ।
सीमानामा नेपालको उपस्थिति कमजोर भएको गुनासो आइरहेका बेला गृह मन्त्रालयले बोर्डर आउट पोष्टको संख्या ५ सय पु¥याउने तयारी गरिरहेको हो ।
गृह मन्त्रालय श्रोतका अनुसार ८९ वटा बीओपी थप्ने प्रक्रिया अगाडि बढिसकेको छ ।
सरकारले बीओपीको संख्या थप्नेसँगै स्तरोन्नतीको काम पनि गरिरहेको छ । चालु आर्थिक वर्षभित्रै २१ वटा बीओपीको स्तरोन्नती भएको गृह मन्त्रालयले तथ्यांक छ । हाल भारत र चीन तर्फका सीमानामा ८६ वटा बीओपी रहेका छन् ।
तर सरकारले ११४ वटा बीओपी थप गर्ने निर्णय गरेको थियो । यो निर्णय अनुसार भारततर्फ २१ र चीन तर्फका सीमानामा ४ वटा बीओपी स्थापना भइसकेका छन् । बाँकी रहेका ८९ बीओपी स्थापना गर्नका लागि पनि प्रक्रिया अगाडि बढिसकेको गृह मन्त्रालयले जानकारी गराएको छ । यो सँगै भारत र चीनका सीमानामा २२२ वटा बीओपी रहनेछन् ।
तर गृहमन्त्री रामबहादुर थापाले ५०० बीओपी पुर्याउने र त्यसका लागि आवश्यक जनशक्तिको प्रस्ताव तयार पार्न सशस्त्रलाइ निर्देशन दिएका थिए । स्थापनाको तयारीमा प्रदेश १ का सीमानामा ३०, प्रदेश २ मा १३ र बागमती प्रदेशमा दुई वटा स्थापना हुने भएका छन् ।
यस्तै प्रदेश ५ मा ३६ वटा र सूदुरपश्चिम प्रदेशका सीमानामा १३ वटा बीओपी रहने छन् ।
अहिले सशस्त्रको आधाभन्दा बढी जनशक्ति सीमानामा खटिएको सशस्त्र प्रहरीले जनाएको छ ।
