२४ घण्टामा थप ६२९ जनामा कोरोना भाइरस सङ्क्रमण
नेपालमा विगत २४ घण्टामा थप ६२९ जनामा कोरोनाभाइरस सङ्क्रमण पुष्टि भएको बुधवार स्वास्थ्य तथा जनसङ्ख्या मन्त्रालयले बताएको छ।
योसँगै देशभरि पुष्टि भएका सङ्क्रमितको कुल सङ्ख्या १०,७२८ पुगेको छ।
तीमध्ये २४ जनाको मृत्यु भएको छ भने २,३३८ जना निको भएका छन्।
विगत २४ घण्टामा ११४ जना कोरोनाभाइरसमुक्त भएर अस्पतालबाट घर फर्किएको मन्त्रालयका प्रवक्ता डा. जागेश्वर गौतमले बताए।
मन्त्रालयका अनुसार विगत २४ घण्टामा ६,८२८ वटा नमुनाको पीसीआर विधिबाट परीक्षण गरिएको थियो।
यससँगै कोरोनाभाइरस सङ्क्रमण पुष्टि गर्न प्रयोग हुने उक्त परीक्षणको सङ्ख्या १,९३,१९४ पुगेको छ।
अहिलेसम्म रसुवाबाहेक सबै ७६ वटा जिल्लामा कोभिड-१९ पुगिसकेको पुष्टि भएको छ।
