ब्राजिलमा कोरोनाबाट मृत्यु हुनेको संख्या झण्डै ४९ हजार पुग्यो, सङ्क्रमित १० लाखभन्दा बढी
ब्राजिलमा कोरोना भाइरस सङ्क्रमितको सङ्ख्या १० लाखभन्दा बढी पुगेको स्वास्थ्य मन्त्रालयले शनिबार जानकारी गराएको छ ।
मन्त्रालयका अनुसार विगत २४ घण्टामा ब्राजिलमा कोभिड-१९ सङ्क्रमण पुष्टि हुनेको सङ्ख्या ५४ हजार ७७१ पुगेको छ भने यो अवधिमा करिब एक हजार छ जनाको मृत्यु भएको छ ।
अहिलेसम्म ब्राजिलमा कोरोनाको कारण ज्यान गुमाउनेको संख्याँ ४८ हजार ९५४ पुगेको छ । ब्राजिलमा उपचारपछि निको हुने कोरोना भाइरस सङ्क्रमितको सङ्ख्या पाँच लाख सात हजार करिब ५० प्रतिशत पुगेको मन्त्रालयले जानकारी गराएको छ ।
