गण्डकी प्रदेशमा कोरोना संक्रमितको संख्या २ सय ४७ पुगे, नयाँ २१ जना थपिए
गण्डकी प्रदेशमा २१ जना कोरोना सङ्क्रमण पुष्टि भएको छ ।
नवलपरासीको बर्दघाट सुस्तापूर्व र पर्वतका गरी २१ जनामा सङ्क्रमण पुष्टि भएको प्रदेश स्वास्थ्य निर्देशनालयले जनाएको छ ।
नयाँ थपिएकामा नवलपरासी बर्दघाट सुस्तापूर्वका १८ जना र पर्वतका ३ जना रहेका छन् । योसँगै गण्डकीमा सङ्क्रमितको संख्या २ सय ४७ पुगेको छ ।
उनीहरु सबैलाई आइसोलेसनमा लैजाने तयारी भइरहेको गण्डकी प्रदेशका स्वास्थ्य निर्देशक एवं प्रदेश कोरोना नियन्त्रण तथा रोकथाम कार्यक्रमका प्रवक्ता बिनोदबिन्दु शर्माले जानकारी दिए ।
