कोभिड-१९ का लागि दातृ निकायबाट ५ लाखभन्दा कमको सहायता नलिइने
सरकारले कोरोना भाइरस (कोभिड–१९) का लागि दातृ निकायबाट ५ लाखभन्दा कमको सहायता नलिने भएको छ ।
स्वास्थ्य तथा जनसंख्या मन्त्रालयले दातृ निकाय र सहयोगी निकायहरूले प्रदान गर्ने सहायता सामग्रीको मापदण्ड बनाएको छ ।
मापदण्डमा स्वास्थ्य तथा जनसंख्या मन्त्रालयमा प्रदान गरिने सहायता सामग्रीको न्यूनतम मूल्य ५ लाख रुपैयाँबराबरको हुनुपर्ने उल्लेख गरिएको छ ।
सहायता सामग्री पूर्ण रूपमा हुनुपर्नेसमेत मापदण्डमा उल्लेख छ । पीसीआर टेस्ट किट, पीपीई सेटभित्र मास्क, क्याप, एप्रोन, ग्लोब्स, बुट, कभर, गगल्स भएको पूर्ण सेट हुनुपर्छ ।
