नेपालमा एकै दिन थप १० जना कोरोना भाइरसका संक्रमित थपिए
नेपालमा कोरोना भाइरस संक्रमित संख्या ६९ पुगेको छ । संक्रमितमध्ये ५३ जना विभिन्न अस्पालमा उपचाररत छन् । १६ जना निको भइसकेका छन् ।
आज एकै दिन १० जना नयाँ संक्रमित थपिएको स्वास्थ्य मन्त्रालयले जनाएको छ ।
आज पत्ता लागेका संक्रमितहरु मध्ये प्रदेश ५ स्थित बाँके जिल्ला नेपालगञ्जका ९ जना संक्रमित भेटिएका छन् भने प्रदेश २ स्थित पर्सा जिल्लाका ३६ वर्षीय पुरुष छन् ।
संघीय स्वास्थ्य मन्त्रालयका प्रवक्ता डा. विकास देवकोटाका अनुसार उनीहरु ७ देखि ५८ वर्ष उमेरका छन् । जसमध्ये ५ पुरुष र ४ महिला छन् ।
