कालोबजारी अभियोगी व्यवसायी सुलभ अग्रवाल धरौटीमा रिहा भए लगतै फेरि पक्राउ
कालोबजारीको अभियोगमा २५ चैत्रमा पक्राउ परेका व्यवसायी सुलभ अग्रवाल धरौटीमा रिहा गर्ने काठमाडौं जिल्ला अदालतको फैसला आयो । उनी आज रिहा भएर अदालत बाहिर मात्र के पुगेका थिए फेरि पक्राउ परे ।
जगदम्बा स्टिलका मालिक समेत रहेका अग्रवाल २५ चैत्रमा थर्मल गनको कालोबजारीमा रङ्गेहात पक्राउ परेका थिए ।
उनलाई अपराध महाशाखाको टोलीले ५ हजार पर्ने थर्मल गन १५ हजार रुपैयाँमा विक्री गर्न खोजेको अवस्थामा पक्राउ गरेको थियो ।
कालोबजारीको अभियोगमा पक्राउ परेका सुलभ यसपटक सम्पत्ति शुद्धिकरण विभागको फन्दामा परेका छन् । सम्पत्ति शुद्धिकरणले उनीमाथि अनुसन्धान गरिरहेको छ । विभाग प्रधानमन्त्री कार्यालय अन्र्तगत रहेको छ ।
पक्राउ पछि अग्रवाल २५ दिन हिरासतमा राखेर अनुसन्धान गरिएका थिए । तर, उनी पुनः हिरासतमै पुगेका छन् ।
