नेप्सेमा २६ अंकको उच्च गिरावट, ३९ करोडको सेयर बिक्री – तालिकासहित

१९ पुस २०७३, मंगलबार ००:००

काठमाडौं, १९ पुुस । अघिल्लो दुुई दिन लगातार बढेको नेप्से आज मंगलबार भने उच्च अंकले घटेको छ । आज नेप्से २६ दसमलव तीन अंकले घटेर १४ सय ५६ दसमलव ८२ अंकमा कायम रहेको छ । नेप्से सेन्सिटिभ पनि पाँच दसमलव ८४ अंकले घटेर तीन सय १४ दसमलव ५९ अंकमा कायम रहेको छ ।

कुल एक सय ३० कम्पनीहरुको तीन हजार आठ सय ३५ वटा कारोवारमा छ लाख ७१ हजार छ सय ५२ कित्ता सेयर खरिद बिक्री भएकोमा ३९ करोड ७३ लाख ५५ हजार पाँच सय १५ रुपैयाँको कारोवार भएको छ ।

आज सात वटा समुहको कारोवार भएकोमा सबै समुहको कारोवार उच्च अंकाले घटेपछि नेप्से पुरै रातो भएको छ । सबैभन्दा उच्च अंकले घटेको बीमा समुहको सुचक दुुई सय १६ दसमलव ९६ अंकले घटेर छ हजार छ सय २५ दसमलव २० अंकमा कायम रहेकोमा १० करोड ३४ लाख १३ हजार रुपैयाँको कारोवार भएको छ ।

बाँणिज्य बैंक समुहको सुचक २६ दसमलव ९४ अंकले घटेर १३ सय ९० दसमलव ८० अंकमा कायम रहेकोमा २१ करोड चार लाख ३१ हजार रुपैयाँको कारोवार भएको छ । यसैगरी होटल समुहको सुचक २५ दसमलव २९ अंकले घटेर १८ सय ८९ दसमलव २१ अंकमा कायम रहेकोमा आठ लाख ९५ हजार छ सय ८० रुपैयाँको कारोवार भएको छ ।

बिकास बैंक समुहको सुचक २४ दसमलव तीन अंकले घटेर १५ सय ३४ दसमलव ४५ अंकमा कायम रहेकोमा तीन करोड ५५ लाख पाँच हजार दुुई सय रुपैयाँको कारोवार भएको छ । जलबिद्युुत समुहको सुचक १८ अंकले घटेर १७ सय २६ दसमलव २१ अंकमा कायम रहेकोमा एक करोड ५६ लाख २५ हजार पाँच सय रुपैयाँको कारोवार भएको छ ।

फाईनान्स र अन्य समुुहको सुचक आज सामान्य अंकले मात्र घटेको छ । आज बढी कमाउने कम्पनीको सुचीमा अरुण फाईनान्स परेको छ भने गुुमाउने कम्पनीको सुचीमा  साझा बिकास बैंक परेको छ । यसैगरी बढी रकम कारोवार गर्ने कम्पनीको सुचीमा भने आज पनि एभरेष्ट बैंक नै अग्रस्थानमा परेको छ ।

बढी कमाउने पाँच कम्पनीहरु (रकम रुपैयाँमा)

बढी गुुमाउने पाँच कम्पनीहरु (रकम रुपैयाँमा)