एक महिनाअघि बिदेशबाट चितवन आएका एक युवाको र्यापिड टेस्ट पोजेटिभ, ३९ जनाको जाँच
बागमती प्रदेश अन्तरगतको जिल्ला चितवनमा ३९ जनाको र्यापिड डाइग्नेष्टिक टेस्ट (आरडीटी) गर्दा एक जनामा कोरोना पोजेटिभ देखिएको छ ।
गुञ्जमान सिंह अस्पतालमा निर्माण गरिएको अस्थायी कोरोना आइसोलेसन केन्द्रबाट ३९ जनाको आरडीटी टेस्ट गरिएकोमा एक जनामा पोजेटिभ देखिएको हो ।
पोजेटिभ रिपोर्ट आएका मानिस एक महिनाअघि बिदेशबाट आएको गुञ्जमान सिंह अस्पतालले जनाएको छ ।
अस्पतालले आजै तीन थप जनाको टेस्ट गरेर भरतपुर पठाएपनि रिपोर्ट आइनसकेको जनाएको छ ।
पोजेटिभ देखिएकाको स्वाबको नमुना लिएर पुन परीक्षणका लागि पठाएको समेत जनाइएको छ ।
