औषधि तथा उपकरण खरिदमा सघाउन चीनसँग नेपाल सरकारको आग्रह
पछिल्लो समयमा कोरोनाले विश्व आक्रान्त बनाएको अवस्थामा नेपालमा पनि यसको संक्रमण बढ्दोक्रमा रहेको छ । सो सरकारले कोरोना भाइरस विरुद्धको अभियानका लागि औषधि तथा उपकरण खरिदमा सघाउन चीन सरकारसँग प्रस्ताव अनुरोध गरेको छ ।
सोमबार राति चीनका विदेशमन्त्री वाङ यीलाई टेलिफोन गरेर परराष्ट्रमन्त्री प्रदीपकुमार ज्ञवालीले दुई देशका सरकारबीच औषधि तथा अन्य उपकरण खरिदमा सहयोग र समन्वयका निम्ति अनुरोध गरेको परराष्ट्र मन्त्रालयले जनाएको छ।
मन्त्रालयका अनुसार कोरोना भाइरसको सङ्क्रमण फैलिन नदिन नेपाल सरकारले अपनाएका उपाय तथा त्यसको द्रूत परीक्षणका लागि नेपालभर औषधि र उपकरणको व्यवस्था गर्नुपर्ने भएकाले सरकार-सरकारबीच हुने जीटूजी (‘गभर्मेन्ट टु गभर्मेन्ट’ दुई सरकारका बीच) आधारमा औषधि, उपकरण खरिदमा सहयोग र सहजीकरणको लागि मन्त्री ज्ञवालीले आग्रह गरेका छन् ।
दुवै देशका विदेश मन्त्रीले विद्यमान द्विपक्षीय सम्बन्धलाई अझ सुदृढ बनाउन पनि छलफल गरेको मन्त्रालयले जनाएको छ ।
