गरिब-पिडितका लागि देवानगंजमा राहत सामाग्री तयारी अवस्थामा, लगतसंगै वडामाफर्त बाँडिने

- नागरिक टाइम्स/संवाददाता

२७ चैत्र २०७६, बिहीबार ००:००

देशभर लकडाउनका कारण दैनिक ज्याला मजदुरी गरी खाने गरिब पिडितका लागि प्रदेश १ स्थित देवानगंज गाँउपालिकामा राहत सामाग्री तयारी अवस्थामा राखिएको छ ।

नियम अनुसारका वास्तविक पिडितहरुको लगतसंगै वडा माफर्त उक्त राहत सामग्री बाँडिने छ । पालिकाका प्रमुख प्रशासकीय अधिकृत त्रिलोचन न्योपानेले राहतकै लागी बिभिन्न खाद्ययन्न समाग्री गाँउपालिकामा आइसकेको बताए ।

न्यौपानेका अनुसार राहतका कै लागि पालिकामा ५० हजार किलो चामल, ४ हजार किलो दाल, ४ हजार टिर खाने तेल ४ हजार केजी नून आइसकेको छ । प्रत्येक वडाको टोल टोलमा राहतका लागि लगत उठाउने कार्य तिब्र रुपमा भइरहेको छ ।

उनका अनुसार चैत्र २५ गते बसेको गाउँ कार्यपालिकाको बैठकले कोरोना लकडनको कारण कमजोर आर्थिक अवास्था तथा दैनिक ज्याला मजदुरी गर्ने वर्गहरु जीवन निर्वाह गर्न निम्म बमोजिमको निर्णय गरेको छ ।

• -७०,००,००० लाखको राहत कोष ।
• -जनप्रतिनिधिहरुले १ महिनाको सेवासुबिधा कोषमा दिने।
• -कर्मचारीहरु १ महिनाको तलबको २८ प्रतिशत दिने।
• -राहत सामग्री चामल -१५ किलो , दाल -१ किलो, नुन-१ किलो र खाने तेल-१ ली. प्रति परिवार ५ दिन भित्र लगत संकलन गरि वितरण गर्ने।