कोरोना रोकथाम गर्न साउदीमा अनिश्चितकालका लागि हवाई उडानसहित अन्य सेवाहरु बन्द
खाडीमुलुक अन्तरगत रहेको साउदीले कोरोना सङ्क्रमितको संख्या बढेपछि अनिश्चितकालका लागि अन्तराष्ट्रिय उडानसँगै निजी र सार्वजनिक सेवाहरु बन्द गरेको छ ।
तर आइतबार सङ्क्रमित र मृत्यु हुनेको संख्या पनि बढेपछि साउदीले अनिश्चितकालका लागि बन्द गरेको अरबीयन न्युजले जनाएको छ ।
आइतबार ९६ जना नयाँ सङ्क्रमितको सँख्या थपिएको र उनीहरुमध्ये २८ जना यात्राका कारण र ६८ जनामा पुराना सङ्क्रमितसँगको सम्पर्कका कारण भएको साउदीको स्वास्थ्य मन्त्रालयले जनाएको छ ।
रियाद, मक्का र मदिनामा स्थानीय समय अनुसार दिउँसोको ३ बजेदेखि नै कर्फ्यु जारी गरिएको छ भने यी सहर लकडाउन पनि छन् ।एक सहरबाट अर्को सहरमा आउन जान पनि रोक लगाइएको छ ।
खाडीका अरु देशको तुलनामा साउदीमा कोरोना सङ्क्रमतिको सँख्या बढी भए पनि अहिलेसम्म नेपाली श्रमिक सुरक्षित रहेको साउदीमा रहेको नेपाली दूतावासले जनाएको छ ।
